Cuairt ar an láthair ar Amstardam, an Ísiltír

Tharla an cúigiú cuairt ar an láthair don tionscadal, “Constaicí in aghaidh Vacsaínithe a Shárú” in Amstardam, an Ísiltír, idir 20 agus 22 Meán Fómhair 2023. Díríodh sa chuairt ar úsáid na n-aonad móibíleach vacsaínithe (aonaid MV), cleachtas eiseamláireach d’fhonn rátaí glactha vacsaíniú COVID-19 a mhéadú ag baint úsáid as busanna nó tob-shuíomhanna sealadacha vacsaínithe. Dhírigh an tionscnamh ar dhaoine a bhí cónaí orthu i gcomharsanachtaí ina raibh rátaí glactha vacsaíní measartha íseal agus ar spriocghrúpaí amhail iad siúd ar stádas íseal sóisialta agus eacnamaíoch, príosúnaigh, agus daoine neamhliteartha. 

Chuir Institiúid Náisiúnta Sláinte Poiblí agus Comhshaoil na hÍsiltíre (Rijksintituut voor volksgezondheid en milieu (RIVM)) fáilte roimh 26 rannpháirtí as 15 Bhallstáit AE. B’ionadaithe as institiúidí náisiúnta sláinte, aireachtaí sláinte, oifigí náisiúnta imdhíonta iad na rannpháirtithe.

Ba é sprioc na cuairte seo ná:

• léargais a bhailiú ar aonaid MV na hÍsiltíre agus foghlaim as an méid ar éirigh leo
• foghlaim fhrithpháirteach a chothú trí spás a chur ar fáil chun an t-eolas agus taithí a mhalartú
• smaointe a fhorbairt ar an dóigh ar féidir le gairmithe sláinte as Ballstáit an cleachtas a aistriú chuig a dtír féin

Le linn na cuairte, bhronn an Ghníomhaireacht Feidhmiúcháin Eorpach um an tSláinte agus an Digitiú (HaDEA) teastas san éacht cleachtais ar Institiúid Náisiúnta Sláinte Poiblí agus Comhshaoil na hÍsiltíre (Rijksinstituut voor volksgezondheid en milieu (RIVM)), ar Sheirbhís Bhardasach Sláinte Amstardam (GGD Amstardam) agus ar an gComhlachas Árachais Cúraim Sláinte (GGD GHOR Nederland).

Aidhm

Le linn an chéad fheachtas vacsaínithe COVID-19, léirigh  figiúirí glactha vacsaínithe difríochtaí suntasacha le himeacht ama idir na réigiúin agus comharsanachtaí san Ísiltír. Ba chosúil gur bhain cuid de na difríochtaí sin le bacainní inrochtaineachta agus eolais sna comharsanachtaí agus réigiúin ina raibh na rátaí glactha níos ísle. 

Leis na bacainní sin a shárú, d’úsáid na seirbhísí bardasacha sláinte aonaid MV i gcomharsanachtaí éagsúla ar fud na hÍsiltíre i rith na bhfeachtas vacsaínithe COVID-19 ina dhiaidh sin.

D’oibrigh seirbhísí bardasacha sláinte éagsúla busanna vacsaínithe (ní hamháin in Amstardam) i roinnt comharsanachtaí chun daoine a chur ar an eolas maidir le vacsaíní COVID-19 agus vacsaíniú a thairiscint dóibh. Rinneadh é sin a thairiscint gan ach bualadh isteach, gan gá le coinne. Baineadh úsáid as an mbus vacsaínithe leis an gcéad agus an dara vacsaíniú a thairiscint do gach saoránach sa chomharsanacht ar mian leo vacsaíniú a fháil in aghaidh COVID-19.

Taobh amuigh de vacsaíniú a fháil, fuair cónaitheoirí sna sprioc-chomharsanachtaí faisnéis sláinte (go minic i dteangacha difriúla) chomh maith leis an deis ceisteanna a chur. Thug gairmithe sláinte, go minic in éineacht le daoine dílse mór le rá sa chomharsanacht, bileoga agus fógráin amach, chuir póstaeir suas agus chuaigh i mbun cumarsáide le daoine aonair agus le grúpaí. Bhí sé mar aidhm leis na gníomhartha sin teorainn a chur le bacainní in aghaidh vacsaínithe trí seirbhísí vacsaínithe inrochtana, faisnéis a bhí  oiriúnach ó thaobh cultúir de agus dialóg a thairiscint – agus muinín a chothú agus eolas ar vacsaíniú a mhéadú dá réir.

Gníomhaithe a bhain leis agus an cur chun feidhme

Tá an Aireacht Sláinte  (Ministerie van Volksgezondheid, Welzijn en Sport) freagrach as na cláir vacsaínithe a shannadh. Faigheann an Aireacht comhairle ón gComhairle Náisiúnta Sláinte (Gezondheidsraad), comhlacht comhairleach eolaíochta neamhspleách sa réimse sláinte poiblí, lena n-áirítear moltaí ar vacsaíniú do spriocghrúpaí ar leith. Tá bord na Comhairle Náisiúnta Sláinte comhdhéanta d’Uachtarán agus Leasuachtarán agus tá 100 comhalta ann as gach cuid den tír agus disciplíní éagsúla. Le chéile, clúdaíonn siad 6 réimse gníomhaíochta: cúram sláinte, galarchosc, cothú sláintiúil, sláinte chomhshaoil, dálaí oibre sláintiúla, chomh maith le bonneagar nuálaíochta agus eolais.

Déanann an Institiúid Náisiúnta Sláinte Poiblí agus Comhshaoil (Rijksinstituut voor Volksgezondheid en Millieu, RIVM) na cláir vacsaínithe a eagrú, a oibriú agus a mhonatóiriú ag an leibhéal náisiúnta i gcomhoibriú le comhpháirtithe réigiúnacha, seirbhísí bardasacha sláinte agus eagraíochtaí neamhrialtasacha (ENRanna).

Bunaithe ar léargais ar ghlacadh vacsaínithe agus ar shaineolas réigiúnach, socraíonn ranna réigiúnacha na seirbhísí bardasacha poiblí na ceantair ar leith ina bhfuil idirghabhálacha riachtanach.

Acmhainní a chur ar fáil

Go ginearálta, bíonn vacsaínithe san Ísiltír saor in aisce ag an bpointe seachadta dóibh siúd sna spriocghrúpaí. Dóibh siúd nach bhfuil i spriocghrúpa; ní mór dóibh íoc as póca as an vacsaín agus an é a thabhairt, mar shampla, tuismitheoirí a iarrann vacsaíniú leanaí amhail deilgneach.

Maoiníonn Aireacht Sláinte, Leasa agus Spórt na hÍsiltíre na haonaid MV. Cuireadh na busanna ar fáil saor in aisce i rith an fheachtais. Bhí saoirse ag na réigiúin minicíocht agus tréimhse a roghnú maidir le húsáid na mbusanna agus rinne maoirseacht ar chomhordú agus ar sholáthar foirne.

Torthaí

Tugtar le fios as réamhthorthaí ó réigiún Amstardam gur, i gcomharsanacht áirithe, bhí an meánráta laethúil vacsaínithe don chéad dáileog COVID-19 26% níos airde ar laethanta nuair a bhí na hionaid vacsaínithe i láthair ná ar laethanta gan bus vacsaínithe. Léiríonn sé sin gur féidir le hionaid vacsaínithe rátaí glactha vacsaíní a mhéadú. 

Ba é an toradh as an gclár rathúil sin leanúint leis na haonaid MV go dtí Meán Fómhair 2023 mar chuid den chlár vacsaínithe, papalómaivíreas daonna (HVP)  d'aosaigh óga (in aois 19 go 26) in Amstardam.